Lyrics of song
Aapke Bheege Hue Jism Se
aapke bheege hue jism se aaNch aati hai
dil ko garmaati hai, jazbaat ko bhaDkaati hai
aapke paas jo aayegaa, pighal jaayegaa
is haraarat se jo uljhegaa, vo jal jaayegaa
aapkaa husn vo shabnam hai jo sholoN mein pale
garm KhushbuoN mein tapte hue raNgoN mein Dhale
kiskaa dil hai jo sambhaale se sambhal jaayegaa
honTh hain yaa kisi shaayar ki duaaoN kaa javaab
zulf hain yaa kisi saavan ke talabgaar kaa Khvaab
aise jalvoN ko jo dekhegaa machal jaayegaa
is qadar husn zamaane mein na dekhaa na sunaa
uskaa kyaa kahnaa jise aapne hamraaz chunaa
uskii taqdeer kaa inaam badal jaayegaa