Aise Tuute Taar Ke Mere Git Adhuure Rah Gaye

aise tuute taar ke mere, git adhure rah gaye
git adhure rah gaye
aisa tuutaa dil ke tukade, aansu ban kar bah gaye
aansu ban kar bah gaye

pyaar ki ik tasvir banaakar, kismat ne khud thukaraa di
kismat ne khud thukaraa di
aansu dekar in nainon ko, mujhako dedi barabaadi
mujhako dedi barabaadi
ik din yahi honaa tha ye, aansu bah kar kah gaye
aansu bah kar kah gaye
aise tuute taar ke mere, git adhuure rah gaye

koi jab ye git sunegaa, pyaar ka phir vo naam na legaa
pyaar ka phir vo naam na legaa
pyaar kiyaa to yuunhi jalegaa, tadapegaa royegaa
tadapegaa royegaa
ham to hain patthar ke insaan, ham to ye dukh sah gaye
ham to ye dukh sah gaye
aise tuute taar ke mere, git adhuure rah gaye