Chupake Chupake Sakhiyon Se

chupake chupake sakhiyon se vo baatein karana bhuul gayi
mujhako dekha panaghat pe to paani bharana bhuul gayi
chupake chupake sakhiyon se

pahale shaayad usako mere chehare ka andaaz na tha
mujhase aankhein takaraayin to khud pe marana bhuul gayi
chupake chupake sakhiyon se

sach puuchho to meri vajah se usako aisa rog laga
kaajal mehandi kangan bindiya se sanvarana bhuul gayi
chupake chupake sakhiyon se

kya jaane kab usase milane aa jaayuun is khvaahish mein
chhat par baithi rahati hai vo chhat se utarana bhuul gayi
chupake chupake sakhiyon se