Ek Chanchal Shokh Haseena

ek chanchal shokh haseena mere sapnon mein aaye
mujhe ek jhalak dikhala ke vo mere dil ka chain churaaye

honthon se madira chalke gaalon pe hain angaare
phoolon ke jaisi khilti javaani naina nasheele hain kajaraare
jaise ki naagin dole aaise chale balkhaake
madhosh kar de mujhko jo vo sharma ke
kabhi khulen jo zulfen usaki ghata see chhaaye
ek chanchal shokh haseena …

jheel mein khilta ek kamal vo hai kisi shaayar ki gazal
baahen utha ke le angdaai dil mein macha de halchal
pariyon ki vo shehzaadi chehra hai bhola bhala
dekha hai jab se usko main ho gaya matvaala
yahi duaaen maangu har pal vo mujhko mil jaaye
ek chanchal shokh haseena …