Lyrics of song

Lakadi Jal Koyala

lakadi jal koyala bhayi koyala jal bhayo raakh
main paapin aisi jali koyala bhayi na raakh

koyi aansu pi kar jita hai koyi tuute dil ko sita hai
kahin shaam dhale kahin chita jale kahin gam se tadapate diwaane
bedard zamaana kya jaane – 2

o maalik tera kaisa aalam
yahaan ek kushi to laakh hain gam
baaraat kahin to kahin maatam
qismat ke anokhe afasaane
bedard zamaana kya

kaanp utha sinduur maang ka vo suhaagan ki raat dhali
raani ban kar aayi thi vo aaj bhikhaarin ban ke chali
chhuuta hai ghar jaaye kidhar apane bhi huye begaane
bedard zamaana kya

us shaam ka hoga savera kahaan
ye panchhi lega basera kahaan
ye pavan hai agan aur garazata gagan
dharati bhi lagi ab thukaraane
bedard zamaana kya

zaalim ko apane zulmon ki hoti kabhi pahachaan bhi hai
insaan teri aankhon mein bhagavaan bhi hai shaitaan bhi hai
kashti se kinaara ruuth gaya
ye dhakelati hai lahar aur aage
saaya bhi nahin ab pahachaane
bedard zamaana kya

chingaari se chingaari jale aur aag se aag sulagati hai
ye baat saraasar sachchi hai ki chot se chot lagati hai
jin haathon mein motiyon ki ladiyaan
unmein padi hain hathakadiyaan
apana hi bhaag laga hai aag lagaane
bedard zamaana kya

Leave a Reply

Your email address will not be published. Required fields are marked *