Aaj Na Jaane Paagal Manava Kaahe Ko Ghabaraaye

aaj na jaane paagal manava kaahe ko ghabaraaye
hich-hich hichaki aaye re tabiyat bichaki-bichaki jaaye

jab dekhuun alabela aanchal dil par bijali tuute
ruup nashila ek jhalak mein dil ki duniya luute
koyi sharaabi mad ka pyaala jaise pi ke aaye
hich-hich hichaki aaye

hosh hamaare bandi ban kar ho gaye nau do gyaarah
kis mushkil mein jaan phansi hai apane baj gaye baarah
ruup ki garmi shola ban kar dil mein aag lagaaye
hich-hich hichaki aaye