Bhuule Se Kabhi Yaad Kar

bhuule se kabhi yaad kar ai bhuulane vaale
kyuun kar diya mujhako meri qismat ke havaale

aramaan tadapate hain dil-e-daar mein ab tak
kab tuune dil-e-daar ke aramaan nikaale

dariyaa-e-musibat mein kahi duub na jaayein
ab tere siva kashti-e-dil kaun sambhaale

qismat ke andhere mein tujhe dhuundh rahin huun
aa ja meri duniyaa-e-tamanna ke ujaale