Dil Ke Aa Jaane Ke Din Aane Lage

dil ke aa jaane ke din aane lage
aayina dekha to sharamaane lage

band palakon mein koyi chhupane laga
chaandani raaton se ghabaraane lage

suramayi kvaabon mein kvaabon ki qasam
ajanabi chehare nazar aane lage

kamasini teri adaayein tauba
tha idhar jaana udhar jaane lage

aashiyaan mein na chhupaao bijali
naasamajh the jo ye samajhaane lage

dil ko ab kaise bachaayein ‘ anjum’
vo mere sar ki qasam khaane lage