Dukh Mein Hi Sukh Hain
gagan ye samajhe chaand sukhii hai, chandaa kahe sitaare
saagar kii laharen ye samajhe hamase sukhii kinaare
o sathi dukh mein hii sukh hai chhipaa re …
dur ke parvat dur hii rah ke lagate sabako suhaane
paas agar jaakar dekhe to patthar kii chattaane
kaliyaan samajhe chaman sukhii hai chaman kahen re bahaaren
o sathi dukh mein hii sukh hai chhipaa re o saathii …
bhaiyaa re sathi re bhaiyaa re ho raamaa re
hai raamaa hai raamaa
raat andherii … hai raamaa
raat andherii soche man mein hai din mein ujiyaaraa
din kii garamii soch rahii hai
hai shiital andhiyaaraa
o sathi hai shiital andhiyaaraa
patajhad samajhe sukhii hai savan
savan kahe angaare
o sathi dukh main hii sukh hai chhipaa re o saathii
o sathi re o bandhu re …
sathi re bandhu re
nirdhan dhan kii chaah ko lekar firataa maaraa maaraa
dhan vaalon ko chain nahiin
ye kaisii jag kii maayaa
ik duje ko sukhii samajhate sukh ko sabhii pukaare
o sathi dukh mein hii sukh hai chhipaa