Hamaara Kya Hai

Talat:
bas itana ho hamein bhi apane dil par ikhtiyaar aaye
magar tum ko qaraar aaye

Aasha:
hamaara kya hai ham tadape,
magar tum ko qaraar aaye-2

Talat:
bahut aansoon hai aankhon men
bahut se daagh hai dil men
na ab saawan ki rrut aaye
na ab fasl-e-bahaar aaye
magar tum ko qaraar aaye

Aasha:
hameen ne be-wafaaee ki
hameen ne yeh du’ a maangi
hamaari be-wafaaee ka
na tum ko aitabaar aaye
magar tum ko qaraar aaye

Talat:
hamaara kya hai ham tadape,
magar tum ko qaraar aaye-2

Aasha:
jahaan itana kiya hai
aakhari yeh bhi karam kar do
tum apani yaad se keh do
na hargiz baar-baar aaye
magar tum ko qaraar aaye-2