Jaate Hue Yeh Pal Chhinn

jaate hue yeh pal chhin kyon jeevan liye jaate – 2
jode yahi jode yahi tode sab naate
jaate hue yeh pal chhin kyon jeevan liye jaate

mann jitna jeena chahe tann utana hi marta jaaye
insaan ki himaakat dekho umeed hi karta jaaye
koi raah manzil ki kahi tujhe toh batlaaye
jaate hue yeh pal chhin kyon jeevan liye jaate

rang aur sugandh ka jaadu sadiyon se chalta aaya
insaan inhi mein dooba nadaan yahi bharmaaya
ab kaun yeh soche kya khoya aur kya paaya
jaate hue yeh pal chhin kyon jeevan liye jaate

vishwaas mein vaas hai vish ka aasha mein chhupi hain nirasha
shabdon ke sang na behna hain shart bhari har bhasha
insaan ka dil bhi pathhar sa jaaye tarasha
jaate hue yeh pal chhin kyon jeevan liye jaate
jode yahi jode yahi tode sab naate
jaate hue yeh pal chhin kyon jeevan liye jaate
kyon jeevan liye jaate kyon jeevan liye jaate