Lyrics of song

Koyi Patta Bhi Hila

koyi patta bhi hila to ye samajha ke tu hai shaayad
yuun teri raahon mein aankhon ko bichha rakha hai

zulm duniya ke sahe munh se magar uf na kiya
yuun tere pyaar ko sine mein chhipa rakha hai

khinch laaya hai tera pyaar chale aaye hain
tod ke duniya ki divaar chale aaye hain
khinch laaya hai

zindagi ab teri chaahat ke siva kuchh bhi nahin
teri puuja muhabbat ke siva kuchh bhi nahin
aaj karane yahi ikaraar chale aaye hain
khinch laaya hai

umr jitani bhi hai baaki teri chaahat mein kate
tere chehare se nazar pyaar ki ik pal na hate
ham teri duniya mein ai yaar chale aaye hain
khinch laaya hai

rok le jo hamako aisa koyi tuufaan nahin
pyaar ki duniya mitaana koyi aasaan nahin
ham na maanenge kabhi haar chale aaye hain
khinch laaya hai

Leave a Reply

Your email address will not be published. Required fields are marked *