Le Le Dard Paraaya

le le dard paraaya aa aa aa

(le le dard paraaya kar de duur gam ka saaya
teri khushi tujhako mil hi jaayegi) – 2

(khushi aur ko deke tu le le gam
teri haar bhi jit se kuchh na kam) – 2
jo kisike kaam aaya jis ne roton ko hansaaya
usaki tat bhi kinaare lag hi jaayegi
le le

(kiya apani khaatir to vo kya kiya
kiya kud ko khushahaal to vo kya kiya) – 2
tu bahaar ban ja saari duniyaan pe chha
murjhaayi kali bhi khil hi jaayegi
le le

(tu duniyaan mein apana nishaan chhod ja
rahe yaad vo daastaan chhod ja) – 2
jo ho zindagi se haara ban ja us ka sahaara
teri manzil bhi tujhe mil hi jaayegi
le le