Meri Bagiyaa Ki Kali Tu

meri bagiyaa ki kali tuu sadaa hi khilanaa
jin raahon pe main chali tuu unape na chalanaa
teraa naa ho mere jaisaa haal
meri bagiyaa ki kali

sab kuchh kiyaa nisaar tujhe tab maine paayaa
tujh pe na padane paaye kabhi kaanton ki chhaayaa
sukh ki nindiyaa sonaa pade naa mujh saa ronaa
meri bagiyaa ki kali

teraa koi sapanaa sansaar na tode
bich raah men koi teraa saath na chhode
tere man ki paati samajhe teraa saathi
meri bagiyaa ki kali

itanaa kyon ye duniyaa dhan ke pichhe bhaage
kuchh bhi nahin dhan pyaar bhare ik man ke aage
laaj hai aisaa gahanaa phir se na jaaye pahanaa
meri bagiyaa ki kali