Nigaahein Ladate Hi Dil Ka Machalana Dekhate Jaavo
nigaahein ladate hi dil ka machalana dekhate jaavo – 2
zara si thes mein duniya badalana dekhate jaavo
nigaahein ladate hi dil ka machalana dekhate jaavo
nigaahein ladate hi
niraala hai tamaasha dil bhi majabuuri pe hansata hai
jigar mein aag hai aur aankhon se paani barasata hai
bhari barasaat mein ek ghar ka jalana dekhate jaavo – 2
nigaahein ladate hi dil ka machalana dekhate jaavo
nigaahein ladate hi
ye wo betaabiyaan hai kuchh thikaana hi nahin jinaka
ho
agar dekha na ho tuufaan mein bahata huwa tinaka
to mere dil ka girana aur sambhalana dekhate jaavo – 2
nigaahein ladate hi dil ka machalana dekhate jaavo
nigaahein ladate hi
tumhein bhaate na the shikawe mere aur zindagi meri
idhar aavo nazar aayegi tumako bebasi meri
kisi aramaan bhare ka dam nikalana dekhate jaavo – 2
nigaahein ladate hi dil ka machalana dekhate jaavo
zara si thes mein duniya badalana dekhate jaavo
nigaahein ladate hi dil ka machalana dekhate jaavo
nigaahein ladate hi