Phuulon Ka Sapana Dekhane Waalo

phuulon ka sapana dekhane waalo
kaaton pe chalana sikh lo, aji o
apane haathon apani qismat
khud badalana sikh lo
haaye re, phuulon ka sapana

bade atapate jagat ke raste
chale chalo re bhayi rote hasate
yahaan bhuul-bhuulaiya kahin kahin
hain taal-talaiya kahin kahin
dhokhe ka jaal hai har taraf
zara bachake nikalana sikh lo
haaye re, phuulon ka sapana

mat aane do aankh mein paani
kamajori ki hai yeh nishaani
baadal ki kadak se mat daro
bijali ki tadak se mat daro
tum tuufaanon ke bich bhi
bedhadak tehalana sikh lo
thokar pe thokar lagein, magar
tum phir bhi sanbhalana sikh lo
haaye re, phuulon ka sapana