Lyrics of song
Prem Kar Liya
maine jii liyaa mar liyaa prem kar liyaa
jitanaa Daranaa thaa Dar liyaa prem kar liyaa
prem kar liyaa …
har ek prem kahaanii mein is dariyaa ke paanii mein
Duub gae naadaanii mein kitane log javaanii mein
prem kaa hamako sahaaraa nahiin lenaa tay kar liyaa
prem kar liyaa …
duniyaa vaale kahate hain prem galii jo rahate hain
dard hazaaron sahate hain aankh se aansuu bahate hain
prem galii mein hii rahane ko hamane ghar liyaa
prem kar liyaa …
hai zaalim sansaar kahaan raste hain diivaar kahaan
aae hain majhadhaar kahaan kaate hain talavaar kahaan
hamane aaj hathelii pe sar apanaa dhar liyaa
prem kar liyaa …