Tere Naina Kyon Bhar Aaye

tere naina kyon bhar aaye
vo hai sabka rakhvaala
tu kaahe ko ghabraaye
tere naina kyon …

ye aansu aur ye dukh saare le ja prabhu ke dvaare
vo hi tooti aas bandhaaye bigade kaaj sanvaare
dvaar se uske koi khaali haath na vaapas jaaye
tere naina kyon …

jeevan ki ye dhoop-chhaanv sab hai khel-tamaasha
man se aankh-michauli khele aasha aur niraasha
aaj hai dukh to kal sukh hoga kaahe neer bahaaye
tere naina kyon …