Tere Pyaar Ko Is Tarah Se

Tere Pyaar Ko Is Tarah Se Bhulaana
Na Dil Chaahata Hai Na Ham Chaahate Hain
Jo Sach Tha Use Ik Fasaana Banaana
Na Dil Chaahata Hai

Vo Maasuum Suurat Bholi Nigaahein
Rahengi Sada Dil Mein Aabaad Hokar
Na Puuri Huyi Jo Usi Aarazuu Mein
Milega Hamein Chain Barabaad Ho Kar
Ki Ujadi Huyi Zindagi Ko Basaana
Na Dil Chaahata Hai

Samajh Mein Na Aaya Ki Har Ik Kushi Se
Ye Dil Aaj Bezaar Kyon Ho Gaya Hai
Tere Gam Mein Bahate Huye Aansuon Se
Na Jaane Hamein Pyaar Kyon Ho Gaya Hai
Ki Bhuule Se Bhi Ab Kabhi Muskaraana
Na Dil Chaahata Hai