Teri Ye Bindiya Mujhe Lagati Hai Aise Kaise

teri ye bindiya mujhe lagati hai aise kaise
phuul par titali baithi ho jaise aise kaise
tera ye aanchal lagata hai aise kaise
parvat pe baadal chhaaya ho jaise are aise kaise
aisa lagata hai qudarat ne bhar di ruup ki gaagar jaise
teri ye bindiya mujhe

bechain kar rahi hain mujhako ye teri palakein
kya hoga jab teri bikharengi ye zulfein
honthon pe surkhiyon ka rang chha raha hai
aankhon mein kaajal bhi itara raha hai
aisa lagata hai chhalaka ho koyi prit ka saagar jaise
teri ye bindiya mujhe

mujhe kar na de divaana nainon ki ye madira
ghir ghir ke dhire dhire aayega ban ke badara
tum jo agar na hoti divaanagi na hoti
karati ho jo tum baatein girate hain moti
tum jaisa na hoga koyi laakhon honge mere jaise
teri ye bindiya mujhe