Tum Besaharaa Ho
tum besaharaa ho to kisi kaa sahaaraa bano
tum ko apane aap hi sahaaraa mil jaayegaa
kashti koi duubati pahunchaa do kinaare pe
tum ko apane aap hi kinaaraa mil jaayegaa
tum besahaaraa ho to
hans kar zindaa rahanaa padataa hai
apanaa duhkh khud sahanaa padataa hai
rastaa chaahe kitanaa lambaa ho
dariyaa ko to bahanaa padataa hai
tum ho ek akele to ruk mat jaao chal nikalo
raste mein koi saathi tumhaaraa mil jaayegaa
tum besahaaraa ho to
jivan to ek jaisaa hotaa hai
koi hansataa koi rotaa hai
sabr se jinaa aasaan hotaa hai
fiqrase jinaa mushkil hotaa hai
thode phuul hain kaante hain jo taqadir ne baante hain
hum ko in mein se hissaa hamaaraa mil jaayegaa
tum besahaaraa ho to – 2
na basti mein na viraanon mein
na kheton mein na khalihaanon mein
na milataa hai pyaar bazaaron mein
na bikataa hai chain dukaanon mein
dhuundh rahe ho tum jis ko
us ko baahar mat dhuundho
man ke andar dhuundho pritam pyaaraa mil jaayegaa
tum besahaaraa ho to