Tuut Gayi Hai Maala Moti Bikhar Chale
tuut gayi hai maala
tuut gayi hai maala moti bikhar chale
do din rah kar saath jaane kidhar chale
tuut gayi hai maala
milan ki duniya chhod chale ye aaj birah mein sapane – 2
khoye-khoye nainon mein hain ujade-ujade sapane
ujade-ujade sapane
vyaadh ki gathari liye jhukaaye nazar chale
do din rah kar saath jaane kidhar chale
tuut gayi hai maala
ab to ye jag mein jiyenge aansu pite-pite – 2
jaisi inape biti vaisi aur kisi pe na bite
aur kisi pe na bite
koyi mat puuchho inhein ke ye kis dagar chale
do din rah kar saath jaane kidhar chale
tuut gayi hai maala
moti bikhar chale
do din rah kar saath jaane kidhar chale