Zindagi Cigarette Ka Dhuaan

zindagi cigarette ka dhuaan
ye dhuaan jaata hai kahaan
ya kaheen jaata nahi
ye socho, na socho meri jaan

dil ko apane tu chhota na karana
ye kali dil ki phir se khilegi
chhin gai hai jo shakti badan ki
vahi shakti tujhe phir milegi
tere paanv ko choomegi parbat ki sab chotiyaan, sab chotiyaan

phir se daudega chalane lagega
lahu tan mein machalane lagega
dil pe chhaaya hai jo ye andhera
ye andhera bhi dhalane lagega
tujhe chaand pe chalate dekhega saara jahaan, saara jahaan