Meri Tasavir Lekar Kya Karoge Tum
Meri Tasavir Lekar Kya Karoge Tum Meri Tasavir Lekar – 2
Meri Tasavir Lekar, Dil-E-Dil Jeer Lekar
Luti Jaagir Lekar, Jali Taqadir Lekar
Kya Karoge Kya Karoge Tum Meri Tasavir Lekar
Meri Tasavir Lekar Kya Karoge Tum Meri Tasavir Lekar
Chale Ho Ab Na Jaane Kab Miloge
Sabab Koi Banega Tab Miloge
Na Jine Ka Na Marane Ka Bahaana
Katega Kaise Fursat Ka Zamaana
Hamein De Jaao Ek Apani Nishaani
Badi Hogi Tumhaari Maharabaani
Sukuun Ki To Koi Tadabir Hogi
Hamaare Paas Ye Tasavir Hogi
Meri Tasavir Bhi Mujhasi Kahaan Hai
Ke Ye Bejaan Hai Ye Bezubaan Hai
Tumhaare Kaam Ye Na Aa Sakegi
Tumhaara Dil Na Ye Bahala Sakegi
Junuun Mein To Girahabaan Chaak Hoga
Ke Parvaana To Jal Ke Kaak Hoga
Tumhaare Saamane Jab Ham No Honge
Ye Gam Tasavir Se To Kam Na Honge
Yuunhi Tadapoge Tum Aahein Bharoge
Kya Karoge Tum Meri Tasavir Lekar
Meri Tasavir Lekar Kya Karoge Tum Meri Tasavir Lekar
Bajah Hai Baat Ye Ham Maanate Hain
Na Bahalegi Tabiyat Jaanate Hain
Karengi Hasaratein Fariyaad Aksar
Ke Tum Aaya Karoge Yaad Aksar
Gam-E-Furqat Na Hoga Yuun Gavaara
Magar Thoda Sa To Hoga Sahaara
Judaai Mein Mulaaqaatein Karenge
Ke Ham Tasavir Se Baatein Karenge
Kayaalon Mein Basa Lo Meri Suurat
Meri Tasavir Ki Hai Kya Zaruurat
Meri Yaadon Ko Samajho Yaadagaarein
Kizaan Mein Bhi Rahengi Phir Bahaarein
Samay Kvaabon Ka Hota Hai Suhaana
Kabhi Aana Kabhi Mujhako Bulaana
Hamein Ek Duusare Ki Did Hogi
Nihaagon Ki Dilon Ki Id Hogi
Na Maanoge To Ro-Ro Ke Maroge
Kya Karoge Tum Meri Tasavir Lekar
Meri Tasavir Lekar Kya Karoge Tum Meri Tasavir Lekar
Bahaane Par Banaate Ho Bahaana
Divaane Ho Banaate Ho Divaana
Kuda Jaane Tumhein Inakaar Kyuun Hai
Hamein Phir Bhi Tumhin Se Pyaar Kyuun Hai
Sitam Ke Tir Ham Pe Chhodate Ho
Na Aisi Bevafa Be-Tir Hogi
Bhali Tum Se To Ye Tasavir Hogi
Guzaarish Aapake Diladaar Ki Hai
Vajah Ek Aur Bhi Inakaar Ki Hai
Zamaane Ki Nigaahon Se Bachaake
Ise Tum Laakh Rakhoge Chhupaake
Kisi Din Dekh Hi Lega Zamaana
O, Bada Mashahuur Hoga Ye Fasaana
Jo Logon Ki Zubaan Tak Baat Pahunche
To Phir Jaane Kahaan Tak Baat Pahunche
Kaho Kya Pyaar Ko Rusava Karoge
Kya Karoge Tum Meri Tasavir Lekar
Meri Tasavir Lekar Kya Karoge Tum Meri Tasavir Lekar
Hamein Manzoor Ye Rusvaaiyaan Hain
Ke Inase Bhi Buri Tanahaaiyaan Hain
Muhabbat Ke Nahin Dastuur Aise
Hamein Charche Nahin Manzoor Aise
Vafa Mein Log Lutaate Hain Jaanein
Tumhein Aashiq Bhala Ham Kaise Maanein
Shubha Ho Ishq Mein To Imtehaan Lo
Meri Tasavir Na Lo Meri Jaan Lo
Kaho Jaane-Vafa Ab Kya Kahoge
Kya Karoge Tum Meri Tasavir Lekar
Meri Tasavir Lekar
Zubaan Kyuun Ruk Gayi Hai
Ho, Nigaah Kyuun Jhuk Gayi Hai
Aji Ghabara Gaye Kya
Kaho Sharma Gaye Kya
Abhi Hai Raat Baqi
Abhi Hai Baat Baqi
Abhi Se Haar Baithe
Dil-O-Jaan Vaar Baithe
Naya Andaaz Koi
Nayi Parvaaz Koi
Labon Ko Si Liya Kya
Zahar Pi Liya Kya
Chale Taqaraar Aage
Chalo Sarakaar Aage
Bane Tasavir Kya Baithe Rahoge
Kya Karoge Tum Meri Tasavir Lekar
Meri Tasavir Lekar – 2