Na Koi Saiyyaan Mera… Piya Piya Kuuk Na Papiha Re

pad gaya dil ko thaamana ye kaisi taan sunaayi
nai umangein ang ang mein letin hain angadaayi
bhole bhaale man pe ye kaisa jaadu kiya re
piya piya kuuk na papiha re

main bhaiya ki laadali mujhe aur koi na bhaae
phir ye mujhe tu baar baar kyun pi ke bol sunaae
dekh main gaali duungi jo phir ye naam liya re
piya piya kuuk na papiha re

na koi saiyyaan mera na koi piya re
piya piya kuuk na papiha re
bol na aisi boliyaan mera naazuk dil ghabaraae
kyun bedardi jaan jaan kar meri sudh bisaraae
piya piya rat ke bada hi dukh diya re
piya piya kuuk na papiha re